Braktistin jetën normale për varfërinë, çifti: Nuk mund të ishim më të lumtur

Një çift anglez ka pranuar se nuk mund të ishte më i lumtur që kur braktisti jetën normale e të mërzitshme në Britaninë e Madhe për një jetesë të qëndrueshme, rurale e të varfër në Hungari.

Julia Pryke dhe Gareth Shone nuk dinin asnjë fjalë në hungarisht kur blenë një shtëpi-fermë gjysmë të rrënuar për 3 mijë paund në një fshat të vogël të Gadasc.

Para se të largoheshin nga Berkshire Julia punonte si parukiere dhe Gareth si këpucar. Tanimë çifti i cili jeton në shtëpinë e re me qenin Pepper, bëjnë dush jashtë shtëpise pavarësisht klimës së ftohtë në dimër, përdorin panele diellorë për ngroje dhe kanë vetëm një rubinet uji në natyrë.

“Në Angli kishim një jetë normale e të mërzitshme. Entuziazmi mungonte. Duhet të punonim që të paguanim faturat.Pasi kërkuam në internet se çfarë mund të përballonim me kursimet tona – 5 mijë paund- pamë shumë alternativa, dhe Hungaria ishte një prej tyre. Ne menduam: “le ta provojmë si është Hungaria”, – u shpreh Julia për Daily Mail.