Intervista Politika RAJONI

Dick Marty: Ja kush janë “peshqit e mëdhenj” të krimit në Kosovë dhe “mysafirët” e parë në Hagë

Zvicerani Dick Marty, duke folur për zhvillimet e fundit në Kosovë në një bisedë për “Presheva jonë” ka deklaruar se “Kosova nuk mund të ketë perspektivë politike dhe ekonomike, nëse ky vend drejtohet nga njerëz të dyshuar, të korruptuar dhe në lidhje me krimin e mafien”. Ai këtu ka përmendur Hashim Thacin, Xhavit Halitin, Kadri Veselin etj…të cilët i quan “peshq të mëdhenj”.

Dicka Marty: Pse Hashim Thaçi nuk po më padit në gjyq për shpifje?
Vëzhguesi zviceran, Dicka Marty në këtë bisedë i gëzohet progresit të proceseve zhvillimore ne Kosovë. Madje sipas tij “Serbia, duket se është dorëzuar përballe realitetit në Kosovë dhe nëse sot jo, ajo sigurisht nesër do ta njohë pavarësinë e saj”.

Asambleja Parlamentare e Këshillit Evropian në Strasbourg në sesionin special më 23 janar të vitit 2014 ka debatuar për raportin e Dik Marty, i cili pretendon që “disa pjesëtarë të ish-Ushtrisë Çlirimtare të Kosovës kanë abuzuar me luftën, duke u marrë me trafikim të armëve dhe të organeve njerëzore”.

Sipas mediave ndërkombëtare duke ju referuar një raporti të senatorit të Këshillit të Evropës, Dick Marty në vitin 2011 ndër tjera thuhet se “krerë të lartë të ish-UÇK-së, të cilët tash udhëheqin politikën e Kosovës, shumë shpejt mund të përfundojnë si të kërkuar nga drejtësia ndërkombëtare. Ata dhe disa të tjerë po hetohen për likuidime, vrasje me motive politike kundërshtarët e tyre, pastaj për krime të tjera kundër njerëzimit, trafikim organesh dhe droge, nafte dhe armësh..”

“Kur u publikua ky raport, e kam nënvizuar se duhet të lexohet me kujdes dhe fjalët duhen kuptuar ashtu siç janë shkruar dhe pa nënkuptime të tjera…”, ka thënë senatori zviceran Dick Marty për “Presheva Jonë”.

“As unë e as raporti im nuk jemi kundër UCK-së as kundër pavarësisë, thjesht kundër abuzuesve te luftës, çka dosjet janë shume të rënda”.

Senatori zviceran ka përshëndetur deputetët e Kosovës që i kanë thënë “PO” themelimit te Gjykatës speciale për krime në Kosovë që tashmë i dihet edhe selia e saj, Haga. Sipas z.Marty “me themelimin e Tribunalit për krime në Kosovë, padyshim Kosovës do t’i hapë perspektiva të reja të integrimeve.”

“Kjo gjykatë e cila është në të mirë të Kosovës dhe qytetarëve të saj, nuk mendoj se do të jetë kundër Kosovës apo UCK-së, por abuzuesve të saj gjatë dhe pas luftës në rajon. Besoj se këtë e dinë mirëfilli edhe një pjese e politikajve kosovar, sidomos ata me duart e papastra.” ka pohuar ne vazhdim z.Marty, duke pyetur se “pse Hashim Thaci nuk po më padit në gjyq për “shpifje”?!

Por zvicerani Marty është i preokupuar me migracionin e qytetarëve të Kosovës, fenomen për te cilin ai shprehet se “vërtetë me shqetëson kjo ikja e kosovarëve nga vendi i tyre. Qeveria dhe institucionet tjera te Kosovës duhet të bëjnë më shumë sidomos për të luftuar korrupsionin, krimin e organizuar, papunësinë dhe më pas për t’ju krijuar kushte dhe perspektivë popullatës, sidomos të rinjve, për të ‘mos ju dhënë shkak aty te lëshojnë vendlindjen, sepse me vendlindjen nuk vjen asgjë. Unë mendoj se Kosova nuk mund te këtë perspektive politike e as ekonomike, nëse ky vend i lodhur nga lufta e sot nga emigrimet drejtohet nga njerëz te dyshuar, te korruptuar dhe ne lidhje me krimin dhe mafien..”

Akuzat janë të përpiluara nga amerikanët
Në vazhdim z.Marty, ka pohuar se “votim i parlamentarëve kosovarë pro kësaj gjykate dëshmon se edhe vetë deputetët dhe qytetarët kërkojnë drejtësi për ata që kanë abuzuar dhe kanë bërë krime mbi qytetarët gjatë apo pas lufte. Por policia vendore dhe ndërkombëtare duhet tani të përqendrohen në mbrojtjen e dëshmitarëve të gjallë, për të pasur sukses ndëshkimi i atyre që abuzuan me luftën në Kosovë për interesa të tyre personale”, ka nënvizuar këtu Dick Marty duke përmendur emrat e Hashim Thaçi, Xhavit Halitin, Kadri Veseli etj…te cilët i quan “peshq të mëdhenj”.

Sipas z.Marty “Është fakt se në raport i jam shmangur emrave, por ja është një çështje interne. Por, e vërteta dhe sinqeriteti intelektual, respekti për popullin e Kosovës dhe familjet e viktimave kërkojnë nga ne që gjërave t’u themi një ditë emër. Këta emra janë emra që janë cituar për shumë vite në dokumentet që janë hartuar nga forcat policore, nga shërbimet sekrete të disa vendeve, përfshire këtu edhe gazetat botërore. Unë e kam kryer me Kosovën, nuk merrem më me trafikun e organeve. Kam dorëzuar raportin tim aty ku duhet dhe tash fjalën e kane te tjerët. As unë e as raporti im nuk jemi kundër UÇK-së por kundër abuzuesve te luftës dhe mos harroni se hetimet dhe akuzat janë një përmbledhje jo vetëm nga raporti im, por edhe nga Carla del Ponte dhe raportuesi amerikan, mikut të shqiptarëve Prokurori John Clint Williamson i cili për këto hetuesi ka vizituar disa here jo vetëm Kosovën por edhe Shqipërinë..”, ka thëne ne fund zvicerani Dick Marty.