Presidenti amerikan, Donald Trump, thuhet se është zemëruar me këshilltarët e tij të premten, pasi Ministri i Drejtësisë, Jeff Sessions, ka refuzuar përfshirjen në një hetim mundshëm për një lidhje të mundshme të fushatës presidenciale të Trump me shërbimet e inteligjencës ruse.

Është televizioni CNN, përcjell Telegrafi, ai që ka publikuar pamjet të cilat vijnë nga zyra e Donald Trump ku shihet një debat i nxehtë në mes Trump dhe këshilltarëve të tij, Steve Bannon dhe Jared Kushner, si dhe vajzës së tij, Ivanka Trump.

Madje, siç shkruajnë mediat e huaja, ka qenë presidenti Trump ai i cili është parë i nervozuar, madje duke u bërtitur, sikurse këshilltarëve Bannon e Kushner, po ashtu edhe vajzës së tij, Ivanka.

Ditën tjetër, ai kishte udhëtuar në pronën e tij në Florida, Mar-a-Lago, vetëm në shoqërimin e vajzës dhe dhëndrit , por shtohet se as ata nuk kanë mundur ta qetësojnë.

Të shtunën në mëngjes në Twitter ai nxori akuzat kundër ish-presidentit, Barack Obama, i cili pretendon se urdhëroi përgjimet.

Trump, Obamën e ka krahasuar me Richard Nixon dhe Watergate, kur Nixon kishte përdorur aparatin e inteligjencës për të përgjuar kundërshtarët, shkruajnë mediat e huaja.

5 COMMENTS