Federata Greke e Futbollit i ka kërkuar falje popullit të Bosnje e Hercegovinës nga shkaku i shfaqjes në tribunë të një pankarte me mbishkrim ofendues që i referohej masakrës së Srebrenicës gjatë ndeshjes së mbrëmshme kualifikuese për kampionatin botëror e cila u luajt në Athinë, transmeton Anadolu Agency (AA).

“Federata Greke e Futbollit dënon pankartën e papranueshme me përmbajtje fashiste, duke e dënuar në mënyrën më kategorike të mundshme”, thuhet në njoftim.

Një pankartë në të cilin shkruhej “Noz, zica, Srebrenica” (thikë, tel, Srebrenicë) u shfaq në mesin e tifozëve grek të dielën gjatë lojës në të cilën kombëtaret u ndanë barazim 1-1.

Në vitin 1995 mbi 8.000 burra dhe djem muslimanë boshnjakë u vranë në Srebrenicë nga forcat etnike serbe. Gjykatat ndërkombëtare thanë se rasti mban epitetin e gjenocidit.

“Transparenti fyen dhe paraqet mënyrën më të neveritshme të frymës sportive të futbollit dhe të mikpritjes greke”, thotë federata. FIFA pritet të hapë një çështje disiplinore.

11 COMMENTS

Comments are closed.