Organizata Al Nusra në Siri, e cila nga Shtetet e Bashkuara të Amerikës cilësohet si organizatë terroriste, deklaroi se ka marrë ndihma në armatime nga ShBA.

Një komandant i lartë i kësaj organizate bëri të ditur se Shtetet e Bashkuara të Amerikës u kanë dërguar një sasi të madhe armatimi, me në krye raketa antitank të tipit BGM-71 TOW.

Në deklaratën e tij të bërë për gazetarin Jurgen Todenhofer nga revista gjermane “Focus” komandanti në përgjigje të pyetjes se “A ka ndërmjetësuar ndonjë organizatë në dorëzimin e armëve për Al Nusran?”, e cila nga ShBA, Rusia dhe OKB-ja cilësohet si organizatë terroriste, tha se “Raketat na u dorëzuan drejtpërdrejt dhe amerikanët na përkrahin”.

Duke aluduar për Presidentin e Sirisë, Beshar Esad dhe qeverinë e tij, komandanti në fjalë tha se “Do të luftojnë deri në përmbysjen e regjimit”, ndërsa shtoi se qëllimi i tyre është formimi i një shteti që do të administrohet me ligjet islame (sheriat) dhe se nuk do të njohin ndonjë shtet tjetër laik.

Gjatë reportazhit të realizuar 10 ditë para goditjes së autokolonës me ndihma humanitare të OKB-së për Halepin, komandanti i Al Nusras kishte thënë se nuk do të lejojnë kalimin e maunave me ndihma humanitare.

“Për të lejuar kalimin e maunave me ndihma humanitare duhet që regjimi të tërhiqet nga të gjitha zonat. Në qoftë se insistohet në dërgimin e këtyre maunave, atëherë ne do ti arrestojmë ngasësit e tyre”, ka thënë komandanti i Al Nusras.

Udhëheqja amerikane kishte bërë të ditur se organizatën Al Nusra, e cila është shkëputur nga Al Kaeda dhe ka ndryshuar emrin, e konsideron si organizatë terroriste.

13 COMMENTS

  1. … [Trackback]

    […] Information on that Topic: epavarura.com/shba-dergojne-armatim-ne-siri-per-organizaten-terroriste-al-nusra-al-kaeda-2-0/ […]

  2. … [Trackback]

    […] There you can find 42286 more Information to that Topic: epavarura.com/shba-dergojne-armatim-ne-siri-per-organizaten-terroriste-al-nusra-al-kaeda-2-0/ […]

Comments are closed.