Shefi i Toksikologjisë: Mos legalizoni kanabisin, çdo ditë në QSUT vijnë dhjetëra të rinj

Gjatë konferencën Shkencore të Toksikologjisë, shefi i këtij shërbimi në QSUT Zihni Sulaj i bën thirrje politikës, të mos lejojë asnjë legalizim të hashashit.

“Në emër të shoqatës së Toksikologëve i bëjmë thirrje politikës që të mos lejojë në asnjë formë legalizimi të hashashit. Nuk ka asnjë studim që tregon benefitet e përdorimit të kanabisit mjekësor. Qeveritë dhe OKB kanë dështuar për të ndaluar përdorimin dhe tregtimin e kanabisit përmes masave represive.

Sipas tij për përdoruesit e hashashit në Shqipëri politika duhet të ulë dënimin dhe të shtojë fondet për edukimin dhe trajtimin mjekësor të përdoruesve.

“Efektet negative të hashashit në shëndetin e popullatës janë shumë të madha. Çdo ditë në urgjencën e QSUT -së paraqiten me dhjetëra të rinj në situatë paniku çrregullime të forta të memories, emocionale, të irrituar dhe të dhunshëm”, tha ai.