Sindroma Rett, sëmundja e fëmijëve me sy të bukur

Kjo sindromë është një sëmundje e rrallë, gjenetike, e rëndë dhe progresive. Ja si trajtohet dhe pse quhet sindroma e syve të bukur. Kjo sëmundje manifestohet që në fëmijëri dhe prek kryesisht vajzat e vogla. Ndërsa fillon të manifestohet, të prekurat fillojnë e humbasin disa aftësi të fituara si e folura, përdorimi i duarve, madje shpesh dhe të ecurën. Quhet sëmundja e syve të bukur, pasi pacientët janë në gjendje të komunikojnë vetëm me sy. Bëhet fjalë për një sëmundje të shpërndarë në të gjithë botën, prek një fëmijë në çdo 10-15 mijë fëmijë. Në fillim fëmijët nuk paraqesin problem, sëmundja nis të manifestohet pas muajit të 6-ë, rreth moshës 6-18 muajsh me ngadalësimin e lëvizjeve, përftimin e aftësive të reja, reduktimin në rritje. Vetëm një analizë gjenetike mund ta konfirmojë diagnozën.