Kanali informativ Al Mejadin ka publikuar një kopje të tekstit të marrëveshjes mes Amerikës dhe Rusisë për armëpushimin në Siri.

Agjencia Tasnim e lajmeve duke cituar kanalin Al Mejadin njoftoi se një prej pikave të marrëveshjes mes Amerikës dhe Rusisë për armëpushim në Siri është krijimi i një qendre postblloku dhe kontrolli në fund dhe të rrugës Al-Kastilo. Sipas këtij raporti, qendra e postbllokut dhe kontrollit të parë krijohet në hyrjen perëndimore dhe e dyta krijohet në hyrjen lindore ndërsa një organizatë si Gjysmëhëna e Kuqe ose një institucione tjetër që është plotësisht i besueshëm do të mbikëqyrë këto dy qendra të kontrollit. Me krijimin e këtyre qendrave ushtria siriane do të tërhiqet plotësisht nga rajonet rreth Al-Kastilos. Sipas kësaj marrëveshje të armëpushimit, forcat opozitare gjithashtu në të njëjtën kohë me tërheqjen e forcave të ushtrisë së Sirisë, duhet të tërhiqen nga dy anët e rrugës Al-Kastilo deri në një distancë të ngjashme. Kjo është në kohën kur në letrën e Maikëll Ratney, përfaqësuesi special i Amerikës në Siri, e cila është dërguar për opozitarët sirianë njëkohësisht me shpalljen e marrëveshjes së Gjenevës, nuk është folur fare rreth një çështje të tillë, por në këtë letër është përmendur vetëm tërheqja e njëanshme e forcave të ushtrisë së Sirisë.

Në këtë letër gjithashtu thuhet se forcat opozitare moderatorë nuk duhet të lejojnë që grupi terrorist Fronti Nusra të shfrytëzojë pozicionet e tyre për të marrë nën kontroll pozicionet nga të cilat është tërhequr ushtria e Sirisë. Sipas kësaj marrëveshje, nuk pengohet fluturimi i avionëve luftarakë të Sirisë as edhe në zonat të cilat në mënyrë të veçantë janë ndarë për operacionet e forcave ajrore të Rusisë dhe Amerikës. Fluturimet e avionëve luftarakë të Sirisë gjithashtu kanë vetëm aspekt vëzhgues dhe ato ndalen atëherë kur të fillojnë sulmet e avionëve luftarakë të Amerikës dhe Rusisë. Në paragrafin e parë të aneksit të marrëveshjes së Rusisë dhe Amerika thuhet se duhet të krijohen kushtet për formimin e një dhome të operacioneve të përbashkëta për të luftuar kundër grupit terrorist Fronti Nusra duke filluar nga dita e zbatimit të kësaj marrëveshje e cila ka filluar më 12 shtator të këtij viti.

5 COMMENTS

Comments are closed.